Hæhæ.  Loksins skrifa ég eitthvað hérna.  Það er orðið töluvert langt síðan síðast.  Héðan er allt fínt að frétta.  Skólinn byrjaður aftur eftir eitt best veðraða sumar sem ég hef upplifað, það var nánast 25°c hiti á hverjum degi, ekki slæmt það.  Verst að hafa verið Harley laus í þessu veðriL  Arnar Vilbergs kom í heimsókn í byrjun september.  Það var yndislegt að fá að hitta meistarann aftur þó að stoppið hafi verið stutt hjá honum.  Við skemmtum okkur alveg konunglega.  Árni Már og Haffi fluttu hingað út í lok ágúst og ætla að vinna hérna í Horsens til jóla.  Fá nasaþefinn af því  að búa í útlandinu.  Þeir eru svo að pæla í því að koma hingað í skóla eftir næsta sumar.  

Fleira hef ég ekki að segja í bili en ætla að reyna að skrifa eitthvað á þessa blessuðu blogg síðu mína fljótlega aftur.  Er ekki sá duglegasti í þessu bloggi.

Kwahery (bæbæ á Svahilí) hehe...

ps. nýjar myndir komnar.

Hérna er búið að vera dúndrandi sumarveður seinustu daga.  Yfir 20 stiga hiti og fínirí.  Um helgina var gólfmót hjá Íslendingunum og tók képpinn þátt.  Fyrsta gólfmót kappans hehe.  Svaka fjör.  Við Bjössi fórum svo á ‘JENSEN’S BØFHUS’ og fengum við okkur cheese burger og vöflur og ís í eftir rétt.  Ég get nú sagt fyrir mína parta að þetta Jensen’s er ekki það besta sem ég hef prófað. 

Svo var haldið til Århus kl 23:30 með lestinni í party til Hisham (bekkjarfélagi minn).  Þegar þangað var komið var tekinn strætó og svo stuttu seinna vorum við komnir á leiðar enda ‘stænaldervej’  þar var eitt það svakalegasta partý sem ég hef séð, tvö stk. karlmenn, that’s it!!!  Höfðu þá allir kanselað komu sína nema við Bjössi og einn annar, kolsvartur bekkjarbróðir.  Við spiluðum á allskonar afrískar trommur og önnur hljóðfæri í góðan tíma, sem var svosem alveg ágætt. 

En svo var mál að koma sér heim og ætluðum við að taka nætur rútuna til Horsens.  Við byrjuðum á því að missa af strætó frá ‘stænaldervej’ og næsti kom ekki fyrr en hálftíma seinna, þannig að við ákváðum að bíða aðeins á barnum þar sem við höfðum eitt kvöldinu.  Eftir smá bið og spjall ákváðum við nú að ná þessum strætó en það fór ekki betur en svo að við vorum 5 mín. Of seinir og þetta var víst seinsati strætóinn þessa nóttina.  Við gengum því af stað í átt að miðbæ Århus og fengum loks taxa eftir 30-40 mín labb.  Hann skutlaði okkur að rútustöðinni og vitið menn seinasta rútan var líka farinn frá okkur.  Fuck...við erum fastir í Århus...!!!  lestar stöðin var ekki langt í burtu og við töltum þangað.  Það leit ekki betur út en svo að næsta lest fer ekki fyrr en hálf sjö næsta morgun.  Þar þurftum við að hanga í kringum pönkara, manson pakk og annan óþverralýð.  Lestin kom að sjálfsögðu á réttum tíma og vitið menn...við náðum henni hehe.  Við komum heim um 7 leitið og þá var farið beinustu leið í bólið enda búinn að vaka í nærri sólarhring.

Það varð ekki mikið úr sunnudeginum en við kíktum aðeins á Óskar um kvöldið til að reikna U-value og svo var horft á ‘Prison break’...geggjaðri þættir verð ég að segja.  Svo var Jim Carrey session í TV og horðum við á 2 myndir.

Dagurinn í dag var ósköp venjulegur,  farið í skólann og svo var spilaður fótbolti kl 1700 í þessu geggjaða veðri. Svo fæ ég loksins beddann minn og sjónvarpið á föstudag. Mikið verður gaman þá.

Loksins er sumarið komið hérna.  Sólin orðinn fastagestur og hitinn verður meiri og meiri.  Á föstudaginn var boðið til grillveislu hjá Óskari, sem keipt sér svaka flott kolagrill af bestu gerð.  Þar voru grillaðir burgers and cheeseburgers.  Svo þegar búið var að borða voru spilin tekin upp og spilað poker.

Ég og Bjössi löbbuðum svo heim og ákváðum að rölta í gegnum miðbæ Horsens.  Okkur til mikillar furðu var allt morandi í tjöldum og folk í röðum út um allan miðbæ.  Fólkið var að bíða eftir að miðasalan í NyTheatre opnaði svo það gæti nælt sér í miða á Madonnau tónleika sem verða hérna einhverntíman í sumar.

Á laugardaginn keiptum við Bjössi gasgrill, ‘Gourmet’ heitir gripurinn og virkar svaka vel.  það kostaði lítinn 600 kall en kúturinn var 100 d.kr. dýrari. Hehe   eðalgrill hér á ferð.

Stundataflan fyrir skólann er half brengluð fyrir þessa vikuna.  Það er nefnilega þannig að einn af kennurunum slasaðist einhvernveginn og braut nokkur bein og meira.  Og þá fer allt til helvítis hérna.  Í dag erum við búin að bíða eftir kennslu en enginn kennari kemur fyrr en hálf 3 og svo er tíminn búinn kl 4.  þetta er víst allur skóinn í dag og svo verður vikan í svipuðum stíl.  En það verður fótbolti í dag og það verður tekið með trompi, vantar bara Beckham skyrtuna, þá gæti maður potþétt aðeins meira hehe.

Sæl veriði.  Það hefur margt gerst hérna í Danmörku síðan ég skrifaði síðast.  Ég er fluttur í stærri og mun betri íbúð.  Þetta er 50m² íbúð á efstu hæð.  Hún er nú half tóm núna, bara með sófann og sófaborðið, en það styttist í að keypt verður borð og stólar.

Ég fór heim til islands um páskana.  Það var ágætt að komast aðeins á klakann,  og hitta fjölskylduna og vini.  Það var að sjálfsögðu tekinn hjólatúr með strákunum til Keflavíkur.  Fór á KFC og American Style, sjaldan verið sáttari með skyndibita.  En það var gott að koma til baka í góða veðrið og rólegheitinn.  Það er allt of mikið stress þarna á klakanum. 

Hérna er sumarið nánast komið.  Sól og 20C° hiti og verður bara betra með hverjum deginum.

Í gær var fótbolti hjá Íslendingunum hérna og ég mætti galvaskur í nýju takkaskónum mínum með legghlífar og allan pakkann.  Það var svaka stuð fyrir utan eitt lítið óhapp, fékk knöttinn í djásninL   mikið svakalega er það vont!!!  Eftir smá hvíld og kvalir var stokkið aftur inná.  Við spilum tvisvar í viku, sem er ágætis plan.  Gott að fá einhverja hreifingu til að vega á móti bjórnumJ

Ég setti inn slatta af myndum (ýmsar myndir 3) þær eru m.a. af nýju íbúðinni. Ferðum til kóngsins köben o.fl.

Bið kærlega að heilsa að sinni.

Hilmar M.

Í seinustu viku skiluðum við ‘outline proposal’.  Það gekk bara alveg rosalega vel hjá kallinum.  Við Geiri skelltum okkur að sjálfsögðu strax á barinn eftir skóla og fengum okkur nokkra kalda.  Það var æðislegt að geta slappað loksins af.  Gömlu hjónin komu svo í heimsókn seinna um daginn, mikið var gaman að sjá þau aftur!  Við skoðuðum bæinn aðeins og fórum svo heim í litlu holuna og fengum okkur smá kaffi tár.  Svo var farið út að borða á ‘Jensens Buffhus’ sem er ágætis steikhús hér í bæ.  Fengum okkur þar dýrindis pepper steik og bbq spareribs’.  M og P gistu á hótelinu sem stendur við göngugötuna, en það var byggt um 1745.  Alveg magnað að koma inn í þetta hús og skoða.  Allt loftið og glugga karmar ofl. Út skorið í einhverju flottu munstri.

Um hádegi á laugardeginum lögðum við svo af stað til kóngsins Köben.  Þegar þangað var komið tók við leit af hóteli.  Allt meira og minna uppbókað alstaðar en við fundum samt eitt hotel,  ekki upp á marga fiska en það dugði alveg fyrir eina nótt.  Við fórum svo um kvöldið í heimsókn til Auðar og Guðna,  sem eru vinafólk m og p.  En þau eru búin að búa í Köben í mörg ár.  Við fórum svo öll út að borða ásamt Snædísi, dóttur þeirra.(algert augnar konfekt).  Fórum á einhvern Ítalskan veitingarstað, sem er með þeim betri sem ég hef farið á.  Þar skemmtum við okkur konunglega með 4 rétta máltíð og alles.

Á sunnudeginum var svo farið í skoðunar ferð um kóngsins Köbenhavn.  Sáum litlu hafmeyjuna, óperuhúsið sem er stórfenglegt, kirkju sem er öll gerð úr marmara, og löbbuðum í gegnum garðinn það sem jú, sjálf drottning Dana og hennar fjölskylda býr.  Ég komst að þeirri niður stöðu að Köbenhavn er stórkostleg borg.  Þarf að koma mér þangað sem fyrst aftur.  Ég kvaddi svo m og p um 8 leitið og tók lestina til baka til Horsens.  Fékk mér ‘first class ticket’ það dugar ekkert annað

Vikan sem leið var frekar róleg í skólanum, kominn tími til.  Á Fimmtudeginum var eldaður ‘chinese dinner’ og þar voru engir amatörar á ferð.  Chen chen, Kínversk bekkjasystir mín kom og eldaði fyrir okkur Bjössa.  Það var dýrindis máltíð og við munum fljótlega elda saman aftur.

Á föstudeginum var svo farið á tónleika, sem haldnir voru í skólanum.  Það voru engir aðrir en ‘DER HERREN’ sem voru að spila fyrir dansi, en það er danskt ‘U2 cover band’.  Við byrjuðum kvöldið heima hjá Geira og Ástu. Fengum okkur öl og burger áður en haldið var af stað á tónleikana.  Þeir voru ágætir, þrátt fyrir að ég sé engin U2 aðdáandi.

Laugardagurinn var svo tekinn snemma og var ákveðið að skreppa niðrí’ bæ og skoða ískápa fyrir nýju íbúðina.  Það vildi ekki til betur en svo að það var búið að loka búðinni.  Þessi ískápa skoðunar ferð endaði á því að ég var kominn með 12 geisladiska með Frank Sinatra og Miles Davis, ýmiskonar búsáhöld fyrir köku gerð ofl.  Bjössi og ég elduðum okkur svo ‘pasta carbonara’ og ‘scrambled’ egg,  og ekki nóg með það, þá var líka bakað.  ‘Brownies’ súkkulaði terta var bökuð og hepnaðis alveg ágætlega.

Það er búið að vera geðveikt að gera í skólanum. Er þar nánast allan sólarhringinn.  Á föstudaginn eigum við að skila ‘outline proposal’ hugmynd af húsi sem við munum svo vinna meira með þar sem eftir er af önninni.  Þetta er alveg heljarinnar vinna, en alveg rosalega gaman.  Um daginn fórum við Bjössi til Århus og skoðuðum göngugötuna ofl.  Fundum Steikhús sem selur kengúru og krókódíla kjöt.  Við ætlum að fara fljótlega aftur og bragða á herlegheitunum.

Ég flyt í nýja íbúð 1 apríl.  Það verður allt annað líf en í þessari holu sem ég bý í núna.  Sú nýja er nánast á sama stað og sú gamla, bara hinumegin við götuna og ögn nær skólanum.  Og við hliðina á skólabarnum, sem er mjög gott.   Íbúðin er 50m², 2 herbergja.  Húsið er nánast glænýtt, var tekið í notkun um miðjan desember í fyrra.

Jæja, sæl veiði!  Vikan er búin að vera strembin.  Mikið að gera í skólanum.  Á mánudaginn byrjuðum við í eðlisfræði.  Það er ekki það léttasta sem kallinn hefur lært, ‘forces, motions og kNewton’….hugtök sem eru á boðstólnum þar.  Var alveg ‘lost’ í þessu first, en þetta er smá saman að síast inn.  Svo er það stærðfræði og teikningar sem er alveg nóg af …‘Isometric og ‘prospective’.  Erum líka að læra um allrahanda lagnir í húsum, hitaveiturör, skolplagnir o.fl.

Bekkurinn kemur úr mörgum áttum og er honum skipt niður í nokkurskonar hópa, til þess að ná fólkinu upp á svipað ‘level’.  Sumir fara í stærðfræði (ég) og aðrir læra á tölvur (aðallega Afríku fólkið)  Þeir sem ekki þurfa á þessum tímum að halda fá að skrifa ritgerðir. =)  Ég lendi í að skrifa stuttar ritgerðir, en það er ein á viku (7 vikur).  Í hverri viku á að skrifa um eitthvað ákveðið ‘material’ og er fyrsta vikan helguð steinsteypu.  Svo í annarlok á að halda fyrirlestur um allar ritgerðirnar sem hafa verið gerðar yfir veturinn.  Annars er þetta bara helvíti fínt.

Síðastliðinn laugardag var þorrablót hjá Íslendingafélaginu í Horsens.  Það var rúta sem skutlaði liðinu út fyrir bæinn og á blótið sem var haldið í litlum samkomusal.  6 bjóra bjórkort á 50dkk og þrefaldur eðal ‘CAPTAIN MORGAN’ á 40dkk.  Það var rokið beinustu leið á barinn og fengum við okkur staup, svona til að koma okkur í gírinn!  Maturinn var yndislegur, hangikjöt og saltkjöt, harðfiskur og íslenskt smjör.  Ég lét samt pungana og hákarlinn alveg eiga sig.  Flestir sem borðuðu það voru annaðhvort í veðmáli eða að sanna karlmennskuna.

Veislustjórinn fór á kostum, veit ekkert hvað hann heitir, en hann hélt uppi svaka stuði allan tímann. Eftir matinn og ballið var haldið aftur til Horsens en við strákarnir ákváðum að kíkja aðeins á skemmtistaði bæjarins.  Við byrjuðum á því að fá okkur kebab, en þar tíndi ég strákunum, var of upptekinn af því að tala við 2 múslima sem voru frekar sárir út í lífið hérna í Danmörku vegna þessa blessuðu Muhamed mynda.  Ég reyndi að koma vitinu fyrir þá, skipta bara um trú og þá væri þetta alltsaman úr sögunni.  Það er víst bannað samkvæmt Kóraninum sögðu þeir mér. Það er engin trú nema sú sem ‘ALLA’ lofar.  Þegar ég var svo búin að ræða heimsmálin við þessa herra menn ákvað ég að kíkja á klúbbana og eftir vill rekast á strákana.  Þá var öllu búið að loka nema einum og var enginn sjáanlegur þar inni sem ég þekti.  Taxinn var svo tekinn heim um 6 leitið.  Ágætis kvöld í alla staði.

Sunnudagurinn var ekki upp á marga fiska.  Var frekar slappur efri laugardags kvöldið.  Ákvað að fara í sund, en það er ágætis sundlaug hérna.  Með fullt af stökkpöllum og rennibraut.  Þetta var að sjálfsögðu innilaug.  Úti pollurinn er náttlega bara opinn yfir sumartímann.  ,,Það er allt of kalt til að vera í útilaug núna” væla þeir.

Ég sótti um íbúð í Odinsgaard í vikunni en það eru glænýjar íbúðir hérna við hliðina á mér.  Þær eru 50fermetrar og kosta það sama og 18fremetra holan sem ég bý í núna.  Vona að ég fái svar sem first.  Er að verða geðveikur hérna.  Þetta er svo lítið að maður er nánast fyrir sjálfum sér hérna inni.  Þetta er bara rugl!!!

Jæja, þá er ég loksins kominn aftur á netið. Biðst velvirðingar á töfinni. Talvan er búin að vera biluð í heila viku. Það byrjaði allt á því að ég þurfti að tengja tölvuna við skólanetið og fór því í 'IT-servise' eins og tölvuverið er kallað hérna. Meistararnir þar gerðu einhvern fjandann og allt fór í klessu...ekkert hægt að gera nema 'DELET' og 'FORMAT' nöldurðu þeir Það kom að sjálfsögðu ekki til greina að eiða öllum myndunum og fleiru dóti úr tölvunni. Þannig að ég fór heim með ónýta tölvu sl. föstudag. Vikan er búin að fara í það að reyna að laga þetta helvíti. Svo loksins í kvöld komst þetta, á ótrúlegan hátt, í lag eftir 10 klukkutíma heilabrot. Ég náði að gera þetta sjálfur (ótrúlegt en satt). Fyrsta tölvuviðgerðin mín

Seinasta helgi var frekar róleg. Æfði mig aðalega á gítarinn. Svo festi ég kaup á reiðhjóli, svaðaleg 3 gíra græja með böglabera og brettum og ljósum að framan og aftan. 'BUSETTO - strada comfort' heitir kvikindið!

Vikan er, þrátt fyrir tölvuleisið, búin að vera stórfín. Ég skráði mig í Íslendinga félagið í Horsens. Og var dreginn í körfubollta á þriðju- og miðvikudag. Félagið leigir sal hérna á veturna. Bjössi, sem er á 2 önn, bauð mér í steik í vikunni. Það var rosa fínn matur hjá stráknum. Gott að fá loksins almennilegan mat hérna.

Það er lært mikið hérna og oft er maður til 11 eða 12 á kvöldin í skólanum. Kerfið hérna er flott. Allir nemendur eru með kortalykil frá skólanum og geta verið í skólanum hvenær sem er sólarhrings. Það hentar mér ágætlega að vera þarna seint á kvöldin í róg og næði og dunda mér yfir teikningum.

Á morgun (laugardag) er Þorrablót hjá Íslendinga félaginu og svo dansiball á eftir með engum öðrum en Írarfári (mínus Birgittu). Það verður haldið, hérna rétt fyrir utan Horsens, í 'HATTING FORSAMLINGSHUS' einhverjum samkomusal í litlum bæ þar sem m.a. Hatting smábrauðin góðu eru bökuð!!! Það var uppselt á blótið áður en ég kom hingað til Danmerkur en það losnaði einn miði í gær og ég stökk á hann. gaman gaman

Dagurinn í dag var fínn.  Mætti í skólan í morgunmat með restinni af bekknum.  Við vorum látin byggja turn úr pappír (A4 blöðum) og sá hópur sem gat byggt hæðsta turninn vann.  Þetta varð náttúrulega allt að standa stuðningslaust.  Hópurinn minn varð í 2.sæti, en það vantaði bara 8cm uppá að við myndum vinna.  Hæðsti turninn var 256cm á hæð.

Eftir hádegi tókum við strætó í átt að keilusalnum.  Strætóbílstjórinn klessti svo á einhvern bíl á leiðinni og við þurftum að bíða í hálftíma eftir vara strætó.  Það urðu sem betur fer engin slys á fólki.  Loks komumst við í keilusalinn og tókum 2 - 3 leiki.  Það er alltaf gaman í keilu.  Svo var boðið upp á hlaðborð með rifum og kjúkling og öllu meðlæti, rosa fínn matur.  Eftir það tókum við taxa á Iðnaðarsafnið í Horsens, en þar var okkur rétt spurningarblöð og áttum við að ganga um safnið og finna svörin.  Þetta var nú ekkert sérstakt safn að mér fanns.  Gamlar prenntvélar, símar og svoleiðis dót.

Það voru tveir nemendur af 2. ári sem slóust í hóp með okkur og sögðu okkur aðeins frá hvernig þeim fannst 1.önnin.  Annar þeirra var íslendingurinn Bjössi, ágætis náungi.  Hann gaf okkur góðar upplýsingar um hvar væri gott að versla og hvað væri í boði í bænum.

Efir safnferðina fórum við inná kaffihús í grendinni og fengum við okkur kaffi og með því.  Svo var farið heim og lagt sig  Ég eldaði mér ommilettu í kvöldmat og heppnaðist hún mjög vel, alveg 'prima'. Hugsa að ég fari snemma í háttinn í kvöld eftir erfviðan, en vel heppnaðan dag.

Fyrsti skóladagurinn var í dag. Skólastjórinn hélt ræðu og svo var okkur komið fyrir í bekkjum. Ég lenti með allra þjóða kvikindum. M.a. frá Kína og Úrbekistan (...eða eitthvað í þá áttina) og svo er fólk frá Afríkuríkjum á borð við Mónakó, Eþjópíu og Gana. En flestir drengirnir þaðan eru 'single' og langar að giftas dönskum konum. Ég er eini Íslendingurinn í bekknum, sem er ágætt. Held að maður kynnist menningu annarra bekkjasystkina betur. Íslendingar eru um 90, að mér skilst, í þessum 500 manna skóla. Það voru tveir Danir í bekknum í morgun en annar þeirra ákvað að farar frekar í danska kúrsinn.  Hinn verður líklegas áfram, ágætis piltur.

Á morgun verður farið í keilu og á eitthvað safn. Þetta er, jú allt gert til þess að þjappa hópnum saman. Vikan verður öll í rólegheitum og fólkinu leift að kynnast örlítið áður en námið byrjar. Alvara lífsins byrja svo í næstu viku.

Sófinn kom í kvöld og ég var að klára að púsla honum saman, kemur rosa vel út. Loksins er hægt að koma öllu á sinn stað í litlu höllinni.

Ég fann bakarí, Sundpark Kondidoriet, hérna rétt hjá um helgina.  Flott að geta fengið nýbakað brauð og góðar kökur á hverjum degi.  Það jafnast samt fátt á við Bakarameistarann í Iðnbúðinni.

Ég er búinn að vera hérna í Danmörku í 3 daga. Hef þurft að sofa á hörðu gólfinu þessa daga. Fékk loksins sófann og borðið í dag og er búinn að vera að dunda mér við að setja þessi húsgögn saman.  Sófinn var samt smá gallaður, en ég á að fá nýjan á þriðjudaginn.

Hérna í Horsens er frekar kalt og það er snjór yfir öllu. Það er samt búið að vera þægilegt veður, þennan stutta tíma sem ég hef verið hérna.

Ég mun svo reyna að setja fleiri frétti hérna á síðuna reglulega á meðan ég er hér í Danmörku.